حسن يوسف يُنهي الجدل حول تصريحات "القبلات حلال"
حالة من الجدل سيطرت على الساحة الفنية، عقب إطلاق الفنان حسن يوسف لعدة تصريحات أبرزها عن "القبلات".
وأوضح "يوسف"، في تصريحات مقتضبة أنه لم يقرأ ما نشر حول التصريحات التي نسبت إليه بشأن القبلات، مؤكدًا أنه تلقى اتصالات للاستفسار حول الأمر، متابعًا "أنا باخد مقالب كتير من شباب بينتحلوا صفة صحفيين ويكلموني في التليفون وأرد عليهم مبرضاش أكسر بخاطرهم، وبعدها أتفاجأ بأنهم كتبوا أي كلام ونسبوا لي تصريحات لم أصرح بها".
واستطرد: "أنا مش هقدر أقول حرام ولا حلال أنا مش شيخ أو مفتي علشان أقول حرام أو حلال".
وتابع: "أنا بهزر معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض علشان ده حلال ولا حرام وقال حاجة من عنده".
وبسؤاله عن أن الفنان "حلال" أم "حرام" قال الفنان المصري إنه جلس مع الشيخ الشعراوي وبسأله "قالي هي الكوباية اللي قدامنا دي بنشرب فيها ايه قولتله شاى فقال لي "لو حطينا بدل الشاي خمرة قلت له ده يبقى حرام فقال لي "ايه ذنب الكباية قالي الفن زي الكباية دي تقدم فيه حلال يبقى حلال وتقدم فيه حرام يبقى حرام يعني رأيي بسيط ومقنع جدا"، وعن حرمة القبلات الفنية في الوقت الحالي: "أنا مش عاوز أتكلم في الموضوع ده موضوع مالوش لازمة يتسأل عنه أصحابه واللي بيأدوا نفس المشاهد".
وكانت وسائل إعلام مصرية نسبت إلى "يوسف" تصريحات قال فيها: "القبلات على أيامي مكانش ليها طعم وكانت خالية من الأحاسيس وكنا بنتمضمض بعدها ولذلك لا تعتبر حراما".
